അകലങ്ങളില് .....
നാം അകലങ്ങളില് ......
നമ്മള് തനിയെ തീര്ത്തൊരീ അകലം.....
എങ്കിലും ഞാന് അറിയുന്നു കണ്ണാ...
മീരയോടുള്ള സ്നേഹത്തിന് അഗാധത......
രാധ ആകാന് ആഗ്രഹമെന്കിലും .......
അവിടെയിരുപ്പു നിന് സ്വര്ഗീയ പ്രണയിനി .....
ഇതു ഞാന് നിനക്കായ് മാത്രം തീര്ത്ത ......
എന് ഹൃദയത്തിന് വിലാപ വാക്കുകള് .......
നിന്റെ ഗാനങ്ങള് ഞാന് പോലും അറിയാതെ
എന്നെ .നിന്നിലേക്കടുപ്പിച്ചു ....
അതിന്റെ നാദവീചികളില് ഞാന് എന്നെ തന്നെ
മറന്നിരുന്നു.....അതെ ..അതാണ് ഞാന് നിന്നില് കണ്ട മാന്ത്രികത ......
എന്നും മീരയാകാന് ആഗ്രഹിക്കുന്നു ഞാന് .....
നഷ്ട സ്വപ്നങ്ങള് തന് ഭാരവുമായ് നീങ്ങുന്ന മീര ......
ഈ വരികള് നിന്നെ വേദനിപ്പിക്കുന്നുവേന്കില് .....
ക്ഷമിക്കുക ......
പറയാന് ഞാന് മനപൂര്വ്വം മറന്ന മൊഴികള് ......
ഇപ്പോള് അറിയാതെ പൊഴിയുന്നു കൂട്ടുകാരാ .......
എന്നും ചിരിക്കാന് ആഗ്രഹമെന്കിലും .....
കരയാതിരിക്കാന് ഇവള്ക്കും കഴിയുന്നില്ല .......
എങ്കിലും ക്ഷണികമാം .......അതോ ?
ഈ വേര്പിരിയല് .........അത് നിന്നെയും
വേദനിപ്പിക്കുന്നു എന്നെനിക്കറിയാം എന്റെ കണ്ണാ ...
ഞാനായിരുന്നുവോ എന്നെങ്കിലും നിന്റെ ഹൃദയ സ്പന്ധനങ്ങളില് ......
അല്ല എന്ന് ഞാന് ഇന്നലെ മനസ്സിലാക്കി .......
എങ്കിലും അകലെ ഇരുന്നു നിന്റെ പ്രാണ നൊമ്പരം ........
ഞാന് അറിഞ്ഞിരുന്നു .....
അതെന്നെ പിരിയുന്നതിനെക്കാള് അധികം .....
വേറെ ആരെയൊക്കെയോ പിരിയുന്നതിനാല് ആണെന്നതും.....
ഇന്നലെ എന്നെ മനസ്സിലാക്കി തന്നു കണ്ണാ .....
എങ്കിലും നിന്നോട് പറയാതിരിക്കാന് ആകുന്നില്ല .......
നീയാണ് ആദ്യമായി എന്നെ പ്രണയത്തിലേക്ക് വലിച്ചിട്ടത് ......
അത് കേവലമാം നിന്റെ ചപലത ......
സ്വന്തമാക്കാന് പറ്റില്ല എന്ന് മുന്പേ പറഞ്ഞു നീ ......
ഒന്നു സ്പര്ശിക്കാതെ ....ഒരു ചുംബനം പോലും നല്കാതെ .....
അകലേക്ക് പറന്നു നീ .........
അത് നീ ഉണ്ടാക്കിയെടുത്ത എന്നെ കാണിക്കാത്ത നിന്റെ മനസ്സിന്റെ
ആ ചെറിയ തീരുമാനം .......
ഞാന് എല്ലാം മനസിലാക്കുന്നു ഇന്നും .....
പ്രണയങ്ങളുടെ ഒരു പൂക്കൂട തന്നെ .....
എന്നെ കൈ നീട്ടി വിളിക്കുന്നു വെന്കിലും ......
എന്നെ കൊണ്ടാവില്ല ഇനിയും എന്റെ മനസ്സിനെ .....
ചുട്ടു പോള്ളിക്കുവാന്.........
ഇതിനിടയില് ഞാന് ആത്മാര്ത്ഥം ആയ ......
ഒരു ഹൃദയത്തെ പോലും നോവിച്ചു ഞാന് .......
പൊറുക്കുമോ എന്നോട് അതോ മനസ്സിലാക്കുമോ ?
ആ ഹൃദയത്തിന്റെ ഉടമ .......
അതും എനിക്കറിയില്ല കണ്ണാ .......
എങ്കിലും ഈ വേര്പാട് .......
നിന്റെ ഇനിയുള്ള സ്വപ്നങ്ങള്ക്ക് ......
നിറവും ചിറകുകളും നല്കട്ടെ .....
നന്മയും സൌഭാഗ്യവും നല്കട്ടെ ......
എന്നാകുന്നു ഇവളുടെ ഉള്ളുരുകിയ പ്രാര്ത്ഥന ..................
